Sekeseke za Mgambo wa jiji la Arusha leo na Wafanyabiashara

Katika hekaheka za safisha jiji leo arusha bado Manispal ya mjini hapa wakiendelea kuwaondoa wale wote wanaofanya biashara maeneo ya barabarani, leo nilikutana nao wakiwa wanaviondoa vibanda hivyo kwa wale waliokaidi agizo hilo.

Ni kweli jiji linakuwa safi lakini je hawa watu wanakwenda wapi? je kuondoa uwanja wa NMC waliouteuwa kuwa soko kuna eneo lingine lililoteuliwa kwa ajili yao? NMC hauna huwezo wa kuwaweka wafanyabiasha hawa je serikali wanaliona hii kama tatizo la Taifa?au hadi pochi zetu ziishe kwa kuchukuliwa na vibaka ndio wajue chazo?

Pamoja na yote tunahitaji jiji liwe safi.Basi tunawataka manispal wawe wabunifu wawatafutie mahali ambapo wataweza kujibatia riziki angalae waweze kuendesha familia zao.Je serikali inajua kuwa watoto hawaindi shule, hawapati milo mitatu kwa siku hata matibabu ndio kabisa bado kodi ya nyumba, Je Maisha bora kwa kila Mtanzania Itawezakana??????

Siku Ya Pili Ziara Ya JK Canada

  Rais Jakaya Mrisho Kikwete akiweka sahihi katika kitabu cha wageni mara baada ya kupokelewa katika Bunge la Seneti la Canada. Kulia ni Spika wa Bunge hilo Mhe Noel Kinsella, anayefuatiwa na Waziri Mkuu wa Canada Mhe Stephen Harper na Spika wa Bunge la wawakilishi la Canada (House of Commons), Mhe Andrew Scheer pamoja na viongozi wengine wa bunge hilo Alhamisi Oktoba 4, 2012

Rais Jakaya Mrisho Kikwete akipokea jezi toka kwa Waziri Mkuu wa Canada Mhe Stephen Harper katika jengo la Bunge la Seneti la nchi hiyo, Alhamisi Oktoba 4, 2012                                     

 Rais Jakaya Mrisho Kikwete akioneshwa na Spika wa Bunge la Seneti la Canada  ramani ya dunia na njia za meli, pamoja na kuoneshwa chemba ya mikutano ya Maseneta wa Bunge la Canada  Alhamisi Oktoba 4, 2012                                        Rais Jakaya Mrisho Kikwete na mwenyeji wake Waziri Mkuu wa Canada Mhe Stephen Harper wakitembea kuelekea kwenye chumba cha mkutano kuongea na wanahabari. Zuria jekundu na bendera za Canada za kiongozi wa  nchi husika huwekwa sehemu hiyo kwa heshima na wakati wa ziara ya kiongozi wa nchi ya nje aliye katika ziara rasmi nchini humo.

Picha na IKULU

Ukiamua, hata kwa kubeba zege unaweza kufanikiwa!

WAKATI nasoma sekondari nilitamani sana kufanya kazi ya uandishi licha ya kwamba pia niliamini biashara ingeweza kunifanya nikafika pale ambapo nilitamani kuwepo katika maisha yangu. Kutokana na utashi wangu huo nilijikuta nikiamua kuchagua  kuwa mwandishi na wakati huo huo mfanyabiashara huku nikiamini kwamba kazi hizi zitanipatia mafanikio makubwa.

Mafanikio ni mafanikio licha ya kwamba viwango vya kufanikiwa vinatofautiana kutoka kwa mtu mmoja hadi mwingine. Kwa mantiki hiyo basi naweza kusema nimefanikiwa kwa kiasi fulani licha ya kwamba nahitaji mafanikio makubwa zaidi.
Labda nikuulize wewe msomaji, ukiulizwa umeamua kuwa nani na kufanya nini katika maisha yako utajibu nini? Naamini kwa swali hilo kila mtu atakuwa na jibu lake. Usishangae ukamsikia mtu akisema ameamua kuwa kahaba na mwingine akakueleza kwamba ameamua kuwa mwizi katika maisha yake.

Lakini pia unaweza kumsikia mtu akisema, ameamua kuwa daktari ama mfanyabiashara katika maisha yake. Kimsingi kila mtu ana chaguo lake. Unachotakiwa kujiuliza ni kwamba je kwa kuwa mwizi au kahaba unaweza kuwa na mafanikio ya kudumu katika maisha yako? Hilo ndilo swali la msingi.

Wakati mwingine inakuwa ni rahisi sana kwa mtu aliyeamua kufanya kazi ya kubeba zege ama kuzibua mtaro kufanikiwa katika maisha yake kuliko yule ambaye hajaamua afanye nini, yaani yupoyupo tu. Hawa ni wale wanaoishi kibubusa ilimradi tu siku zinakwenda.

Ninavyoona ni kwamba, karne hii si ya kuishi kibubusa na kushukuru Mungu kwa kuiona siku nyingine bali unatakiwa kujiuliza baada ya Mungu kukujalia kuiona siku hiyo nyingine utaitumia vipi? Kitu cha msingi ni kujiwekea mikakati madhubuti ya vipi utaendesha maisha yako katika kila siku ya Mungu.

Umefika wakati sasa wa kuamua ufanye nini na uwe nani katika maisha yako la sivyo utabaki kuwa si chochote wala si lolote na mwishowe Mungu ataona hana sababu ya kukubakiza ulimwenguni wakati huna chochote unachokifanya.

Tufahamu kabisa kwamba kama tutashindwa kuamua kuwa nani na kufanya nini hakika tutakuwa hatuna uhakika wa nini tunatafuta katika maisha yetu.

Kimsingi tutakuwa ni watu wa kubahatisha na kufanya kila tutakachoona kinaweza kutuingizia pesa na wakati mwingine kufanya mambo mengine ambayo hayawezi kutupa mafanikio ya kudumu na furaha ya kweli katika maisha.

Hebu anza kujiuliza leo hii bila kujali elimu uliyonayo, jinsi wala umri wako kwamba ni kitu gani ambacho ukikifanya utafurahi na kuona kwamba umetimiza lengo lako la kuletwa hapa ulimwenguni na hatimaye kupata mafanikio?

Katika maisha ukijaribu kuchunguza kwa makini utakuta wengi waliofanikiwa ni wale waliochagua mafanikio. Waliamua kufa na kupona kuhakikisha kwamba wanafika pale ambapo walitaka kufika kwa kufanya kazi mbalimbali.

Hii inadhibitisha kwamba katika maisha kila kitu ni uamuzi na ndiyo maana nadiriki kusema wale ambao wana nguvu za kutosha na afya njema lakini ni maskini, naamini wameamua kuwa maskini katika maisha yao. Watu hao wakiamua kuwa matajiri pia wanaweza.
Kwa kumalizia niseme tu kwamba hakuna hata mmoja wetu ambaye ameletwa hapa ulimwenguni ili awe si lolote wala si chochote. kila mtu ana nafasi yake ambayo akiitumia vizuri ana uwezo wa kuwa na maisha bora na yenye furaha.

Unachotakiwa kufanya ni kuamua ufanye nini katika maisha yako ili uweze kupata mafanikio.

WALIMU WAGOMEA SIKU YAO

CHAMA cha Walimu Tanzania (CWT) kimegoma kushiriki maadhimisho ya Siku ya Walimu Duniani inayoadhimishwa leo kwa madai kina huzuni na hakina mafanikio yoyote ya kuwaambia walimu.

Aidha, chama hicho kimetoa mwito kwa Serikali kukubali ushauri wa Bunge na uamuzi wa Mahakama, ili warudi katika meza ya majadiliano kwa ajili ya kuendeleza walipoachia.

Katibu wa CWT, Ezekiel Oluoch alisema hayo jana Dar es Salaam wakati akizungumza na waandishi wa habari kuhusu maadhimisho hayo ambayo kaulimbiu yake ni ‘Kuwatetea walimu’.

“Kesho (leo) ni Siku ya Walimu Duniani, kwa bahati mbaya hatutakuwa na sherehe ama maadhimisho kwani hakuna chochote cha kuelezea … hatuwezi kusherehekea tukiwa na matatizo mengi ambayo hayajafikia suluhu,” alisema Oluoch na kuongeza kuwa wataadhimisha siku yao wakiwa kazini na wamekata tamaa.

Alisema mwajiri wao ambaye ni Serikali hajalipa madai ya wakufunzi wa vyuo vya ualimu, hajashughulikia madai ya walimu ambayo hayajalipwa na kutoajiri walimu waliohitimu ingawa fedha zimetengwa na Bunge.

Alisema katika siku hiyo, CWT inatoa mwito kwa Watanzania na jumuiya za kimataifa kujitokeza kutetea walimu dhidi ya manyanyaso wanayopata kutokana na mishahara duni isiyokidhi mahitaji muhimu ya kila siku.

Pia alitaka walimu kushikamana katika kudai maslahi bora zaidi kama watumishi wengine wa umma na Serikali ilipe madeni yote wanayodai walimu, wakufunzi wa vyuo vya ualimu nchini pamoja na wakaguzi wa shule.

Kuhusu kurudi katika meza ya majadiliano, Rais wa CWT, Gratian Mukoba alidai Serikali imegoma kukutana na chama hicho kama ilivyoagizwa na Mahakama na Bunge.
Alisema pamoja na leo kuwa Siku ya Walimu, Serikali imekataa mapendekezo ya CWT ya kuteua timu ya majadiliano nje ya chombo cha majadiliano ya pamoja kwenye utumishi wa ualimu ili madai ya walimu yashughulikiwe ndani ya mwaka huu wa fedha.

“Hadi sasa Serikali imekiuka amri ya Mahakama ya Kazi ambayo iliagiza pande zote, yaani CWT na Serikali zirudi kwenye meza ya majadiliano… kwa uelewa wetu, meza iliyokuwa inatumika kwa majadiliano kabla ya mgomo ndiyo inayostahili kutumika kuendeleza mazungumzo kati ya pande hizi,” alisema Mukoba.

Alisema CWT inalaani kwa nguvu zote ukaidi huo wa Serikali ambao hauna tija kwa nchi, bali unazidi kuwasababishia walimu kuishi maisha magumu yasiyo na mfano na kudhulumu wanafunzi haki yao ya kupata elimu.

Akijibu hoja ya Serikali kukaidi uamuzi wa Mahakama na Bunge, Waziri wa Nchi Ofisi ya Rais Menejimenti ya Utumishi wa Umma, Celina Kombani alisema Serikali inapanga tarehe mwafaka ya kukutana na kwamba haijakaidi agizo hilo.
Alisema baada ya CWT kuwaandikia wako katika majadiliano na kwamba wameahidi kukutana ili kuzungumza.

CHANZO: HABARILEO

Magazeti ya leo Ijumaa ya 5th October 2013

IKULU:Taswira Mbalimbali za ziara Rasmi ya Rais Jakaya kikwete Ottawa,Canada

 Rais Jakaya Mrisho Kikwete akiwasili katika viwanja vya jumba la Rideau Hall jijini Ottawa, Canada, katika hatua yake ya kwanza ya  kuanza ziara rasmi ya siku mbili jijini  humo Jumatano Oktoba 4, 2012. Jumba hilo ndilo makazi  na ofisi rasmi ya Gavana Jenerali wa Canada tangia mwaka 1867 ambapo pamoja na kuishi humo pia hapo ndipo hutumika kwa kuwatunukia wananchi wa Canada waliofanya vyema, pa kupokelea wageni mashuhuri wa nchi za nje na pia ndipo anapofanyia shughuli zote za kitaifa akiwa kama mwakilishi wa Malkia wa Uingereza.

   Rais Jakaya Mrisho Kikwete akikagua gwaride rasmi katika viwanja vya jumba la Rideau Hall jijini Ottawa, Canada, katika hatua yake ya kwanza ya  ziara rasmi ya siku mbili jijini  humo Jumatano Oktoba 4, 2012. Jumba hilo ndilo makazi  na ofisi rasmi ya Gavana Jenerali wa Canada tangia mwaka 1867 ambapo pamoja na kuishi humo pia hapo ndipo hutumika kwa kuwatunukia wananchi wa Canada waliofanya vyema, pa kupokelea wageni mashuhuri wa nchi za nje na pia ndipo anapofanyia shughuli zote za kitaifa akiwa kama mwakilishi wa Malkia wa Uingereza.

   Rais Jakaya Mrisho Kikwete akitambulishwa kwa viongozi wa serikali ya Canada na  Gavana Jenerali wa nchi hiyo  Mhe. David Johnson alipowasili katika viwanja vya jumba la Rideau jijini Ottawa, Canada, katika hatua yake ya kwanza ya  ziara rasmi ya siku mbili nchini humo Jumatano Oktoba 4, 2012

  Rais Jakaya Mrisho Kikwete akitoa hotuba fupi baada ya kuwasili  katika viwanja vya jumba la Rideau jijini Ottawa, Canada, katika hatua yake ya kwanza ya  ziara rasmi ya siku mbili jijini humo Jumatano Oktoba 4, 2012. Jumba hilo ndilo makazi na ofisi rasmi ya Gavana Jenerali wa Canada tangia mwaka 1867 ambapo pamoja na kuishi humo pia hapo ndipo hutumika kwa kuwatunukia wananchi wa Canada waliofanya vyema, pa kupokelea wageni mashuhuri wa nchi za nje na pia ndipo anapofanyia shughuli zote za kitaifa akiwa kama mwakilishi wa Malkia wa Uingereza.
  
Rais Jakaya Mrisho Kikwete akisaini kitabu cha wageni huku akiangaliwa na  Waziri wa Mambo ya Nje wa Canada Mhe. John Baird baada ya kuwasili katika Uwanja wa Ndege wa kimataifa wa Macdonald Cartier jijini Ottawa, Canada, kwa ziara rasmi ya siku mbili jijini humo Jumatano Oktoba 4, 2012

 Rais Jakaya Mrisho Kikwete akitambulishwa kwa Waziri wa Mambo ya Nje wa Canada Mhe. John Baird baada ya kuwasili katika Uwanja wa Ndege wa kimataifa wa Macdonald Cartier jijini Ottawa, Canada, kwa ziara rasmi ya siku mbili jijini  humo Jumatano Oktoba 4, 2012

 Rais Jakaya Mrisho Kikwete akisalimiana na watanzania walijitokeza kumpokea akiongozana na Gavana Jenerali wa Canada Mhe. David Johnson na mkewe Mama Sharon Johnson katika viwanja vya jumba la Rideau jijini Ottawa, Canada, katika hatua yake ya kwanza ya  ziara rasmi ya siku mbili jijini  humo Jumatano Oktoba 4, 2012

Rais Jakaya Mrisho Kikwete akiongozana na  Gavana Jenerali wa Canada Mhe. David Johnson na mkewe Mama Sharon Johnson kuingia  jumba la Rideau jijini Ottawa, Canada, katika hatua yake ya kwanza ya  ziara rasmi ya siku mbili jijini humo Jumatano Oktoba 4, 2012

Rais Jakaya Mrisho Kikwete na  ujumbe wake katika mazungumzo na  Gavana Jenerali wa Canada Mhe. David Johnson na mkewe Mama Sharon Johnson na viongozi wa serikali ya nchi hiyo katika  jumba la Rideau jijini Ottawa, Canada, katika hatua yake ya kwanza ya  ziara rasmi ya siku mbili jijini humo Jumatano Oktoba 4, 2012

.Picha na IKULU

Kilichomwangusha Sumaye Chatajwa

 SIASA za makundi ndani ya Chama Cha Mapinduzi (CCM), zimetajwa kuwa chanzo cha kuangushwa kwa Waziri Mkuu Mstaafu Frederick Sumaye katika nafasi ya Ujumbe wa Halmashauri Kuu ya CCM (Nec), kupitia Wilaya ya Hanang’ Mkoa wa Manyara.

 Sumaye ambaye anatajwa kuwa ana nia ya kugombea urais katika Uchaguzi Mkuu ujao, alishindwa na Dk Mary Nagu ambaye ni Waziri wa Nchi Ofisi ya Waziri Mkuu (Uwekezaji na Uwezeshaji).

Katika uchaguzi huo, Sumaye alipata kura 481 dhidi ya Nagu, aliyepata kura 648. Mbali na Sumaye, wajumbe wengine waliokuwa wakimuunga mkono akiwamo Mwenyekiti wa CCM wa wilaya hiyo, Goma Gwantu, pia walishindwa katika uchaguzi huo.

Dalili za kushindwa kwa Sumaye, ambaye alikuwa akiungwa mkono na wajumbe wa kamati ya siasa ya CCM wa wilaya hiyo, zilianza kuonekana wiki moja kabla ya uchaguzi huo. Kambi ya Dk Nagu ambayo inatajwa kwamba inaungwa mkono na kambi ya Waziri Mkuu Mstaafu, Edward Lowassa, ilionekana kuwa na “ushawishi” mkubwa katika vikao vya kamati ya siasa ya mkoa na kwenye Kamati Kuu ya CCM. Hali hiyo, ilitokana na ukweli kuwa Dk Nagu kama taratibu ambazo zilihitajika, hakupewa baraka na kamati ya siasa ya wilaya hiyo, kugombea kwa kile ambacho kilielezwa kukwepa mpasuko wa CCM Hanang' na pia kumpa heshima Sumaye.

Hata hivyo, habari zimeeleza kuwa tofauti na msimamo wa Kamati ya Siasa ya wilaya hiyo, Kamati ya Siasa ya Mkoa wa Manyara, ilionekana kumuunga mkono Dk Nagu hasa kutokana na ukweli kuwa karibu nusu ya wajumbe wa kamati hiyo walikuwa wagombea.

Kikao cha kamati ya siasa ya mkoa, licha ya kurejesha jina la Dk Nagu pia, kilipendekeza kuondolewa majina ya wagombea kadhaa katika wilaya ya Hanang' likiwamo jina la Mwenyekiti wa wilaya hiyo, Goma Gwaltu ambaye alikuwa kambi ya Sumaye.

 Taarifa za kupendekezwa kuondolewa majina ya wanaomuunga mkono Sumaye, zilitolewa na baadhi ya wajumbe wa Wilaya ya Hanang’, lakini hata hivyo, Katibu wa CCM Mkoa wa Manyara, Ndeng'aso Ndekubali alizikanusha. “Kamati ya siasa ya mkoa ni kikao cha siri na nadhani ni mapema mno kulalamikia suala hilo, ni vyema wakasubiri uamuzi wa juu, ” alisema Ndekubali. Hata baada ya kurejeshwa majina na Nec, ilibainika kuwa wagombea ambao Kamati ya Siasa ya Wilaya hiyo, iliwapa alama za chini, wamerejeshwa katika mchakato wa uchaguzi.

 Dalili za kuanguka Sumaye, pia zilijionyesha siku ya kupiga kura, ukumbini na nje ya ukumbi kutokana na wajumbe waliokuwa wanamuunga mkono Dk Nagu kuwa na uhakika mkubwa wa ushindi. Wakati wa kujieleza ili aombe kura, Sumaye ambaye alionekana kama tayari amebaini nguvu ya Dk Nagu, alieleza kushangazwa na uamuzi wa Dk Nagu kugombea nafasi hiyo, hali ya kuwa ni waziri.

Sumaye, pia alikemea kile alichodai kuwa ni rushwa kwenye chaguzi za CCM na kuahidi kama akichaguliwa, angeshirikiana na viongozi wenzake kuhakikisha anawachukulia hatua kali watoa rushwa. Awali Dk Nagu katika maelezo yake, alitumia fursa ya kuomba kura kukanusha kuwa anatumiwa na kundi la Lowassa ili kumkwamisha Sumaye.

Dk Nagu alifafanua kuwa yeye kama Mbunge wa Hanang’ na Waziri, kamwe hawezi kutumiwa na kundi fulani kwa masilahi ya makundi kwani hata yeye ana sifa za kuchaguliwa. Wakati wa maswali, Dk Nagu hakuulizwa wakati Sumaye aliulizwa maswali matatu ambayo aliyajibu kwa ufasaha, lakini hakuchaguliwa.

 Mwenyekiti wa CCM aliyeshindwa, Goma Gwaltu, alieleza kupinga mambo kadhaa yaliyokiukwa katika uchaguzi, lakini hata hivyo, alisisitiza kujiandaa kutoa tamko rasmi. “Nitazungumza siku si nyingi kuelezea uchaguzi huu,” alisema Gwaltu.

Naye Sumaye kwa upande wake, alisema anakusudia kuzungumzia yaliyojiri katika uchaguzi huo hivi karibuni. “Naomba uwe na subira, nitawaita wanahabari na tutazungumza. Leo (jana) nimepigiwa simu na waandishi kama 50, wote nimewaambia kuwa nitazungumza siku chache zijazo,” alisema Sumaye.

Mbunge wa Viti Maalumu Chadema, Rose Kamili ambaye kwa muda mrefu alikuwa diwani kwa tiketi ya CCM kabla ya kuhamia Chadema, alieleza kuwa Sumaye aliangushwa kwa nguvu ya fedha. Alisema kuwa kitendo cha Sumaye kutajwa kuwa anataka kuwania urais katika uchaguzi ujao ndiyo sababu ya kutoswa katika uchaguzi huo ili kupunguza ushindani. Kwa upande wake Gwaltu alisema kilichomwangusha Sumaye ni makundi ya urais katika uchaguzi mkuu ujao.

Alisema kuwa makundi hayo ambayo yameanza kujipanga kwa ajili ya kushinda katika kinyang’anyiro cha kuwania urais, yalifanya kila njia kuhakikisha kuwa Sumaye hapenyi katika hatua hiyo, lengo likiwa ni kufanya upinzani kuwa mdogo 2015.

Kada mkongwe wa chama hicho ambaye pia ni Diwani wa Kata ya Basotu, Samwel Kawoga alisema kuwa makundi hayo yalianza kuonekana wazi siku chache kabla ya kufanyika kwa uchaguzi huo. Alisema kuwa makundi hayo ni pamoja na yale yanayoongozwa na makada wa chama hicho wanaoutaka urais na mengine ni yale yanayoibuka kila unapofanyika uchaguzi ndani ya chama hicho.
 
 Chanzo:http://www.mwananchi.co.tz